نعى الفنانون اللبنانيون وديع ابن المطرب القدير جورج وسوف، الذي توفي ليلة أمس بعد مضاعفات صحية، نقل على اثرها الى المستشفى.
وكتب الفنان وليد توفيق: حبيب قلبي يا وديع يا إبن الغالي الله يرحمك ويجعل مثواك الجنة..يا حبيبي يا أبو وديع أنا اليوم فقدت إبني متلك..الله يصبرك يا حبيبي الله يصبرك يا قطعة من قلبي..وجعنا اليوم واحد..مش عارف بعزيك ولا بعزي حالي..الله يرحمك ويصبرنا ع غيابك..إنا لله وإنا إليه راجعون
الفنان راغب علامة : خبر قاسي ، خير مؤلم ، خبر فاجعة جورج وسوف وام وديع والعائلة والأصدقاء الله يصبركم على هالفاجعة !
انا لله وانا اليه راجعون انشالله تكون نفسه بالسما
الفنان وائل كفوري:مع آلامَك يا يسوع الله يصبّر قلبك يا أبو وديع ويصبّر قلب عيلتَك وكلّ محبّينَك وتكون نفسو بالسما. آمين.
الفنانة هيفا وهبي: خبر بيوجع القلب وديع جورج وسوف لروحك السلام الله يصبّر قلبك ابو وديع الوجع كبير والفراق صعب
الفنان زياد برجي: شو هالخبر القاسي.. بكرت كتير.. الوداع يا حبيب قلب زيكو، يا وديع يا ملاك.. الله يجعل مثواك الجنة ويصبر أمك وبيَّك وأخواتك .. إِنَّا لِلّهِ وَإِنَّـا إِلَيْهِ رَاجِعونَ
الفنان مروان خوري: جورج وسوف كنت استثنائياً في كل شيء حتى في الفاجعة !!! لا عزاء يقال في رحيل الشباب رحمة الله عليك وديع جورج وسوف والصبر ثمّ الصبر لابو وديع وللأم والعائلة
الاعلامية هلا المر : الله يرحمك يا وديع .. كسرتلنا قلوبنا الله يصبر بيك وامك واخواتك وكل محبينك
الفنانة كارول سماحة : مش قادرة صدق!!! شو هالخبر الحزين!!!!! وديع جورج وسوف صار بين إيديك يا رب الله يصبر إمك وبيك وإخواتك على كسرة قلبن عليك
الفنانة يارا : شي بيوجّع وبيكسر القلب.. شي ما بيتصدّق… يااااااا ربي الله يصبّر قلب أهلك وتكون نفسك بالسما #وديع_جورج_وسوف
الله يصبرك يا ابو وديع
الممثلة ماغي بو غصن : خبر وفاة وديع جورج وسوف بيوجّع! الله يصبر عائلته وأهله ويعطيهن القوّة! الرحمة لروحه
الفنان ملحم زين : البقاء لله ، الله يصبّر قلبك المحب والطيّب أبو وديع ، بعرف الفرقة صعبة كتير ولكن الإيمان بالله وتقديره أقوى وإنت مؤمن وقلبك نقي. الله يرحم وديع وفي جنات الخلد بإذن الله
الممثلة نادين الراسي: يا عدرا يا أبو وديع عهالكااااس المُرّرر وديع جورج وسوف ألله يرحمك
الفنانة مايا دياب: وديع جورج وسوف شو هالمصاب الصعب.. ابو وديع الله يصبرك با رب..وشليمار الأم العظيمة الله يكون معك..عم بتواجهوا اصعب وجع..ليلة وداعك بكيت النايات..وقلوبنا عم تبكي..
